Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
28 April
Vandag is Sondag!
Wie het die reg om in die woonplek van God in te gaan? Dit is die vraag van die Psalmdigter. Natuurlik het hierdie vraag met veel meer te doen as ’n kerkgebou en die samekomste van die gemeente. Dit het ten diepste te doen met die mens se onvermoë om in die teenwoordigheid van die Allerheiligste te leef.
Gaan kyk maar na die eise wat die Psalmdigter aan die persoon stel wat voor God wil verskyn. Hy moet onberispelik wandel en doen wat reg is, geen kwaad praat of iemand beledig nie. Voldoen u dalk aan hierdie riglyne? Nee! Die woorde van Paulus weergalm in ons ore: “Daar is nie een wat regverdig is nie, selfs nie een nie ... . Almal het afgedwaal, almal het ontaard. Daar is nie een wat goed doen nie, selfs nie een nie.”
Maar die brief aan die Hebreërs leer dat ons deur die bloed van Jesus Christus vrye toegang tot die heiligdom van God ontvang het. Hy het hierdie voorreg met Sy bloed gekoop sodat ons met geloofsekerheid en opregte harte in God se teenwoordigheid kan verskyn.
Die erediens is ’n uitbeelding van hierdie voorreg! Ons kom op Sondae in die huis van die Here bymekaar. Ons is gelowiges in Sy teenwoordigheid! Ons mag Hom loof en prys en in rustigheid na Sy stem luister as Hy ons deur Sy Woord onderrig, vertroos en vermaan tydens ’n erediens.
Daarom roep God se Woord ons op om nie van die samekomste van die gemeente af weg te bly nie. Het u hierdie opdrag vandag gehoorsaam?
Ds. Frans Marais, Grootvlei / Roedtan
Lewensbrood - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.